«Я - в.а. Напалеона»

Што расейскі гісторык Сакалоў распавядаў пра сябе.

Дакументальны фільм «Сір» пра рэканструктара і гісторыка Сакалова быў зняты ў рамках фестывалю «Поры і эпохі» пад патранажам урада Расеі.

Сёння, калі Алег Сакалоў стаў вядомы яшчэ і як забойца, які расчляніў цела дзяўчыны, да яго прыкаваная пільная ўвага, піша «Салідарнасць».

- Рыцар - гэта пакліканне! - пафасна заяўляе ў фільме рэканструктар у строі Напалеона.

Сакалоў расказвае, што хоць у школе і інстытуце і вучыў ангельскую, ён сам адчуў, што не можа жыць без французскай мовы, і вывучыў яе самастойна.

- Уначы ў сне я размаўляю па-французску, - не без гонару прызнаецца Сакалоў.

Ён таксама распавёў, адкуль у яго мянушка Сір.

- Кожны клуб - гэта свет, падладжаны пад камандзіра клуба. У адпаведнасці з тым, які камандзір клуба, такія і стасункі ў клубе. І адзін з маіх падначаленых, сяброў, сказаў «Сір» у звароце да мяне. І неяк усе адразу падхапілі гэта. І ўжо 40 гадоў я Сір. Гэта як і зварот і імя такое. З аднаго боку, не сказаць, што мяне клічуць Напалеон. Гэта смешна, абсурдна, за вар’ята прымуць. А якое імя генерала я магу ўзяць? Ніякае. Калі я заснавальнік усяго гэтага, галоўнакамандуючы, груба кажучы в.а. Напалеона.

Сакалоў расказаў гісторыю пра захопленасць іншых сваіх калегаў-рэканструктараў.

- Адзін маладзён, які дужа захапляецца нашым войскам, ажаніўся, і сваёй маладой жонцы не казаў падрабязна пра сваё захапленне. Яна думала, ну добра, хай мужык займаецца нейкім сваім захапленні, - распавядае Сакалоў у фільме. - Адзін раз ён з'язджае, другі, трэці, чацвёрты. І гэта ёй стала надакучаць. І потым у нейкі момант яна сказала: ведаеш, дарагі, альбо я, альбо твой паход. Ён узяў стрэльбу і сказаў: «Паход» і пайшоў.

Вядома, што Алег Сакалоў даслоўна прыходзіў у захапленне ад Францыі, размаўляў на французскай і, паводле некаторых водгукаў, з'яўляўся найбуйнейшым у свеце спецыялістам аб гісторыі напалеонаўскіх войнаў і самога Напалеона Банапарта. Захапленні дацэнта высока ацанілі ў самой Францыі, і ў 2003 годзе Сакалову ўручылі важную дзяржаўную ўзнагароду - ордэн Ганаровага легіёна.