«Мы абышлі тысячы кватэр у рамках выбарчай кампаніі і зразумелі, што кароль - голы»

Прыйшоў час гаварыць адкрыта.

Сёння ў Менску на ініцыятыву грамадзянскай кампаніі «Еўрапейская Беларусь» зноў праходзіць Сустрэча свабодных людзей. На легальнай акцыі на плошчы Свабоды выступіў відэаблогер, актывіст «Еўрапейскай Беларусі» Андрэй Войніч:

- Добры вечар, мяне клічуць Андрэй Войніч, я актывіст грамадзянскай кампаніі «Еўрапейская Беларусь». Мы абышлі тысячы кватэр у рамках выбарчай кампаніі і зразумелі, што кароль - голы. Таксама выявілася вельмі шмат праблем. Людзі вельмі шмат гавораць у межах кухні, маленькага пікету. Мы - свабодныя людзі, не баімся і прыйшоў час гаварыць адкрыта.

Нагадаем, першая сустрэча адбылася 15 лістапада адразу на дзвюх цэнтральных плошчах сталіцы і сабрала больш за тысячу ўдзельнікаў, яе падтрымалі незалежныя кандыдаты ў дэпутаты, грамадскія актывісты і блогеры.