Якім будзе надвор'е ў найбліжэйшыя дні
- 16.11.2019, 19:09
- 8,521
Прагноз надвор'я па Беларусі на 17 - 19 лістапада.
17 лістапада надвор'е Беларусі будзе вызначаць заходняя перыферыя антыцыклону. Чакаецца пераважна хмарнае надвор'е. Без істотных ападкаў, піша Гідрамет.
Месцамі туман. Вецер паўднёвы, паўднёва-ўсходні ўмераны. Тэмпература паветра мінімальная ўначы +3.. +9°С, максімальная ўдзень +6.. +12°С. Атмасферны ціск уначы будзе слаба расці, удзень істотна не зменіцца.
18-19 лістапада надвор'е абумовіць вобласць павышанага атмасфернага ціску, сфармаваная ва ўмерана цёплай паветранай масе.
18 лістапада пераважна без ападкаў. Уначы і раніцай месцамі туман. Вецер паўднёва-ўсходні ўмераны, удзень месцамі парывісты. Тэмпература паветра мінімальная ўначы +1.. +8°С, на ўсходзе пры праясненнях 0.. -2°С; максімальная ўдзень +5.. +11°С, у паўднёва-заходніх раёнах да +14°С.
19 лістапада пераважна без ападкаў. Месцамі туман. Вецер паўднёва-ўсходні ўмераны. Тэмпература паветра мінімальная ўначы 0.. +7°С, на ўсходзе пры праясненнях да -2°С; максімальная ўдзень +4.. +11°С, на поўдні да +13°С.