Лукашэнку прэзентавалі змены ў Канстытуцыю Беларусі

Дыктатар не ўпэўнены, ці гатовы ён прэзентаваць іх грамадству.

Лукашэнка падалі магчымыя змены ў Канстытуцыю краіны. Пра гэта ён заявіў сёння журналістам пасля галасавання на «выбарах дэпутатаў палаты прадстаўнікоў», паведамляе БелТА.

«Я заяўляў пра тое, што нам трэба ісці да гэтага. Недарэчна было б з майго боку заявіць, што мы да прэзідэнцкіх выбараў зменім Канстытуцыю, - сказаў Лукашэнка. - Элементы новай Канстытуцыі з пункту гледжання Канстытуцыйнага суда мне пададзеныя».

«Я ўжо, калі палічу патрэбным, прэзентую яе ўсяму грамадству. І трэці этап - гэта будзе, хутчэй за ўсё, абмеркаванне грамадствам гэтай Канстытуцыі», - дадаў дыктатар.

Лукашэнка звярнуў увагу, што тэрміны для ўнясення змяненняў у цяперашнюю Канстытуцыю не прызначаныя. «Ніякія тэрміны я ставіць не маю намер і не збіраюся. Будзе гатовы варыянт - пойдзем далей да другога, трэцяга, чацвёртага этапу. Менавіта так павінна разгортвацца праца. Спешка тут не прымальная, гэта сур'ёзнае пытанне: як будзе жыць і развівацца краіна ў будучыні», - падкрэсліў дыктатар.

Кіраўнік таксама распавёў, што, калі ўносіліся прапановы, суддзі Канстытуцыйнага суда асабіста падпісвалі свае ідэі. «Персанальная адказнасць за лёс краіны, за тое, як яны будуць жыць у гэтай краіне, як дзеці іх будуць жыць. Мяне здзівіла і ўзрадавала, што людзі не збіраюцца ламаць цяперашнюю Канстытуцыю. Адказнасць павінна быць за гэты дакумент», - сказаў на заканчэнне Лукашэнка.