Лекары выратавалі жыццё прэзідэнту Сербіі
2- 17.11.2019, 15:40
- 13,051
Міністр аховы здароўя краіны выступіў з заявай.
Лекары ў Бялградзе «выратавалі жыццё» прэзідэнту Сербіі Аляксандару Вучычу, шпіталізаванаму праз праблемы з сэрцам у суботу.
Пра гэта заявіў міністр аховы здароўя Сербіі Злацібор Ланчар, паведамляе «Еўрапейская праўда» са спасылкай на РТС.
Ланчар сказаў, у Вучыча невялікія хранічныя праблемы з сэрцам, але ў пятніцу ўвечары адбылося сур'ёзнае пагаршэнне стану, і ён вымушаны быў звярнуцца да лекараў.
Лекары Вайскова-медыцынскай акадэміі, куды прывезлі Вучыча, прыйшлі да высновы, што жыццё прэзідэнта ў небяспецы.
Са слоў міністра, лекары тэрмінова распачалі неабходныя захады, а арганізм прэзідэнта добра адрэагаваў на тэрапію.
Лекары загадалі Вучычу паменшыць сваю рэгулярную нагрузку найбліжэйшым часам, каб цалкам аднавіцца.