Відэахіт: Рыбак ловіць сома на дражэ і газіроўку

Без асаблівых намаганняў яму ўдалося злавіць тры велізарныя рыбіны.

Рыбак прадэманстраваў незвычайны спосаб лоўлі сома. Для гэтага яму спатрэбілася толькі ментолавае дражэ і газаваны салодкі напой. Ролік з мудрагелістым трукам для лоўлі рыбы апублікаваў у Twitter карыстальнік пад нікам shrimp binch, піша korrespondent.net.

На відэа мужчына кідае блізу дзясятка дражэ Mentos у глыбокую яму з вадой. Затым туды апускаецца курынае яйка, а зверху заліваецца напоем Coca-Cola. Пасля таго, як «кактэйль» падрыхтаваны, на паверхню ўсплывае сом.

Чалавеку застаецца толькі рукамі выцягнуць рыбіну.

Праз нейкі час паказваецца другі сом, якога таксама вылоўлівае прадпрымальны рыбак.

Мужчына далівае ў яму газіроўкі і дадае яйка і вылоўлівае трэцяга сома.

У каментарах карыстальнікі раскрылі сакрэт трука ў лоўлі рыбы. Відавочна, мужчына выкапаў яму побач з ракой. Сырое яйка прыцягнула галодных рыб, а рэакцыя дражэ і газаванага напою паменшыла колькасць растворанага ў вадзе кіслароду. Самы пачалі шукаць месца, дзе ім будзе чым дыхаць, а ў выніку сталі ўловам.