Чорная пятніца 2019 у Польшчы: калі адбудзецца і якія крамы будуць удзельнічаць

У беларусаў будзе магчымасць закупаў з выгаднымі цэнамі.

Чорная пятніца, Black Friday або Сzarny Piątek - гэта ўсё пра яго - свята шопінгу! У гэты час пакупнікі маюць выдатную магчымасць папоўніць свой восеньскі або зімовы гардэроб сапраўды выгадным коштам, піша «Вечерний Гродно». Калі пачнуцца распродажы і якія крамы ў Польшчы рыхтуюцца да акцыі?

Black Friday 2019 - калі адбудзецца?

Шмат хто з шапаголікаў з нецярплівасцю чакае Black Friday, каб мець магчымасць танна набыць патрэбную або жаданую рэч. І гэта нядзіўна, бо часам зніжкі дасягаюць 90%.

Свята шопінгу штогод прыпадае на розныя даты, але заўсёды на першую пятніцу пасля амэрыканскага Дня падзякі. Таму Black Friday 2019 крамы будуць «святкаваць» 29 лістапада.

Black Friday 2019: спіс польскіх крам

Дзень шалёных закупаў вядомы ў Польшчы таксама і пад назвай Сzarny Piątek. З кожным годам усё больш крам становяцца ўдзельнікамі гэтай папулярнай акцыі і даюць сваім кліентам велізарныя зніжкі. Акрамя таго, шмат якія з іх у гэты дзень адкрытыя даўжэй, чым зазвычай, часам нават дзень і ноч.

Хоць Black Friday часцей за ўсё атаясамліваецца з продажам у сетках адзення і электронікі, вялікія распродажы чакаюць пакупцоў таксама ў кнігарнях, аптэках, крамах касметыкі, супермаркетах з таварамі для дызайну і інтэр'еру. Практычна ў кожным з іх можна ўбачыць збаўкі ад -30% да -50%. Трохі менш тавараў прапануюць таннейшымі на 70%. А цяперашні зніжэнне кошту на 80-90% можна ўбачыць толькі ў асобных гандлёвых пунктах.

Інтэрнэт-крамы ў гэты дзень часта прапануюць бясплатную дастаўку.

Традыцыйна ў Black Friday ўдзельнічаюць самыя папулярныя сеткі:

- адзення - Answear, Cropp, Mango, Reserved, Sinsay, Mohito і Zara;

- абутку - CCC, eobuwie, Deichamann, Kazar, Venezia;

- сподняй бялізны - Intimissimi, Calzedonia або Gatta;

- касметыкі - Douglas, Sephora, Natura, Rossmann, Super-Pharm;

- бытавой тэхнікі і электронікі - Media Markt, Media Ekspert або RTV Euro AGD;

- дызайну і інтэр'еру - Ikea, Home and You, Leroy Merlin, Black Red White, Castorama;

- сеткавыя супермаркеты - Lidl, Biedronka, Kaufland, Auchan, Tesco і шмат іншых.

Black Weeks і Black weekend - традыцыі крам у Польшчы

На працягу апошніх гадоў Сzarny Piątek у Польшчы набыў проста-такі шалёную папулярнасць. У барацьбе за кліентаў сеткі пачынаюць рабіць вельмі выгадныя прапановы задоўга да Чорнай пятніцы, ператвараючы Black Friday у Black Weeks.

Такі ход асабліва папулярны сярод польскіх крам электронікі. Дзякуючы гэтаму пакупнікі могуць набыць тэлевізары, смартфоны ды іншыя прылады прывабным коштам задоўга да дня вялікіх зніжак.

Аднак гэта не ўсё. Шмат якія супермаркеты працягваюць шал зніжак на некалькі дзён, прапаноўваючы збаўку з пятніцы (часам і з вечара чацвярга) да нядзелі або панядзелка ўключна. Такім чынам, пакупцы ў Польшчы маюць не Black Friday, а паўнавартасны Black weekend, піша ShoppingPl.