ЗША ўвялі новыя санкцыі супраць Кубы

Белы дом дадаў да санкцыйнага спісу міністра ўнутраных спраў Кубы.

Белы дом дадаў да санкцыйнага спіса міністра ўнутраных спраў Кубы за грубае парушэнне правоў чалавека на Кубе і ў Вэнэсуэле. Пра гэта паведамляе РБК-Украіна са спасылкай на сайт Дзяржаўнага дэпартаменту.

Як адзначаецца, Дэпартамент афіцыйна дадаў да спісу Хуліё Сэзара Гандарыллю Бэрмэджа за ўдзел у грубых парушэннях правоў чалавека ў Вэнэсуэле.

"Згодна з раздзелам 7031 (с) закона аб бюджэтным дэпартаменце Дзяржаўнага замежнапалітычнага міністэрства, які з'яўляецца працягам закона аб асігнаваннях на 2020 год, Дэпартамент афіцыйна дадаў да спісу Хуліё Сэзара Гандарыллю Бэрмэджо, міністра ўнутраных спраў Кубы, за ягоны ўдзел у грубых парушэннях правоў чалавека ў Вэнэсуэле", - гаворыцца ў паведамленні.

Раздзел 7031 (c) прадугледжвае, што ў выпадках, калі Дзяржаўны сакратар мае спраўджаную інфармацыю пра тое, што замежныя дзяржаўныя службоўцы былі датычныя да маштабнай карупцыі або грубага парушэння правоў чалавека, гэтыя асобы ды іхнія найбліжэйшыя сямейнікі не маюць права на ўезд у Злучаныя Штаты.

"Акрамя злачынстваў у Вэнэсуэле, якія сталі падставай для гэтай пастановы, Міністэрства ўнутраных спраў Кубы нясе адказнасць за ўтрыманне пад вартай тысяч кубінскіх грамадзян і незаконнае зняволенне на Кубе больш за сто палітычных зняволеных. Чыноўнікі міністэрства адказваюць за катаванні палітычных дысідэнтаў, а таксама забойства некаторых з гэтых асоб праваахоўнікамі", - дадалі ў Дзяржаўным дэпартаменце.