Прэзідэнта Сербіі выпісалі з лякарні

Жыццё Аляксандра Вучыча было пад пагрозай.

Прэзідэнт Сербіі Аляксандр Вучыч выпісаўся з Вайскова-медыцынскай акадэміі (ВМА) у Бялградзе, куды яго даставілі ў пятніцу праз кардыёваскулярныя праблемы. Пра гэта паведаміла ў панядзелак нацыянальная тэлевізія краіны, паведамляе ТАСС.

Паведамляецца, што стан прэзідэнта стабільны і ён выпісаны з лякарні дадому.

Раней дарадчыца прэзідэнта ў СМІ Сузана Васільевіч распавяла, што сербскі лідар усе хваробы пераносіць на нагах, аднак на гэты раз сітуацыя была настолькі сур'ёзнай, што ён сам звярнуўся па дапамогу. Занепакоенасць здароўем Вучыча выказалі многія сусветныя палітыкі, ад Эмануэля Макрона да Ангелы Мэркель, паведаміла дарадчыца.

Як раней заяўляў міністр аховы здароўя Сербіі Злацібор Ланчар, жыццё сербскага лідара была пад пагрозай, аднак лекары ВМА выратавалі яго. Са слоў міністра, у Вучыча невялікія хранічныя праблемы з сэрцам, але ў пятніцу ўвечары адбылося сур'ёзнае пагаршэнне стану, і ён наважыў звярнуцца да лекараў. Лекары ацанілі ягоны стан, як небяспечны. Супрацоўнікі ВМА тэрмінова распачалі неабходныя захады, а арганізм прэзідэнта добра адрэагаваў на тэрапію.

Цяпер лекары загадваюць прэзідэнту паменшыць нагрузку для поўнага аднаўлення. Ланчар падзякаваў медыкам за іх працу, падкрэсліўшы іх высокі прафесіяналізм.

Раней Вучыч паведаміў, што вернецца да выканання абавязкаў 18 лістапада.