Навошта Беларусь нарошчвае набыццё расейскага газу?
13- 19.11.2019, 9:45
- 16,223
Гэта выглядае дзіўным.
На фоне прагнозаў, што ў сувязі з хуткім запускам сваёй АЭС Беларусь у 2020 годзе можа адмовіцца ад часткі расейскага газу, Менск нарошчвае яго набыццё.
Больш за тое: паводле вынікаў дзевяці месяцаў Беларусь стала адзінай з пяцёркі найважнейшых партнёраў «Газпрама», хто павялічыў імпарт газу, піша «Заўтра тваёй краіны».
Паводле справаздачы расейскага газавага манапаліста, паводле вынікаў студзеня – верасня гэтага года пастаўкі «газпрамаўскага» газу ў Беларусь склалі 14,477 млрд куб. метраў. Гэта больш чым на 1 млрд кубоў больш, чым было рэалізавана газу на беларускім рынку ў аналагічны перыяд летась.
З гэтым аб'ёмам Беларусь утрымала трэцяе месца сярод сусветных пакупнікоў расейскага газу. Больш за яе ў гэты перыяд імпартавалі сыравіны толькі Нямеччына (37,292 куб. м) і Італія (17,557 куб. м).
Пры гэтым і Нямеччына, і Італія і два іншыя найбуйнейшыя еўрапейскія пакупнікі расейскага газу (Турцыя і Вялікая Брытанія) прыкметна скарацілі аб'ёмы закупак у параўнанні з мінулым годам. Вялікая Брытанія праз гэта нават адкацілася на сёмае месца, прапусціўшы наперад Аўстрыю і Францыю.
У цэлым імпарт расейскага газу краінамі Еўропы за дзевяць месяцаў гэтага года скараціўся ў параўнанні са студзенем – вераснем 2018 года з 148,272 млрд кубаметраў да 142, 764 млрд куб. метраў. У постсавецкіх краінах зваротная карціна. У тым ліку дзякуючы нарошчванню імпарту газу Беларуссю пастаўкі выраслі з 25,085 млрд куб. метраў да 25, 535 млрд куб. метраў.
У канцы 2019 года заканчваюцца дамоўленасці паміж Беларуссю і Расеяй пра ўмовы паставак газу пасля 2020 года. З 2013 года кошт на газ, які пастаўляецца ў Беларусь, разлічвалася праз формулу, што вызначалася ўмовамі адпаведнага міжурадавага пагаднення. У 2018–2019 гадах кошт вызначаўся падпісаным у красавіку 2017 года пратаколам да гэтай дамовы і пратаколам паміж урадам Беларусі і ПАТ «Газпрам».
Як заявіў у ходзе праведзенага ў кастрычніку Беларускага энэргетычнага экалагічнага форуму міністр энэргетыкі Віктар Каранкевіч, цяпер ідзе праца ў падрыхтоўцы адпаведнага кантракта на будучыню з улікам запытаў суб'ектаў гаспадарання.
– У адпаведнасці з дамовамі, якія цяпер дзейнічаюць у газавай сферы, прадугледжваецца задавальненне ў поўным аб'ёме патрэбаў Рэспублікі Беларусь у прыродным газе. Гэта было і ў папярэднія гады, і будзе на 2020 год. Канкрэтна пра гэты аб'ём пакуль вядуцца адпаведныя разлікі, удакладненні, – адзначыў кіраўнік установы.
Пры гэтым кіраўнік Мінэнэрга мяркуе, што Беларусь можа скараціць аб'ём імпарту расейскага газу налета ў сувязі з запускам Беларускай АЭС.
– Аб'ём імпарту можа быць ніжэйшы за той аб'ём, які спажываецца сёлета, – сказаў Віктар Каранкевіч.
Топ-10 крупнейших покупателей российского газа в январе-сентябре 2019г.
№ | Страна-импортер | Объем импорта за 9 месяцев 2019г., в млрд. куб.м. | Объем импорта за 9 месяцев 2018г., в млрд. куб.м. |
1 | Германия | 37,292 | 42,733 |
2 | Италия | 17,557 | 18,277 |
3 | БЕЛАРУСЬ | 14,477 | 14,302 |
4 | Турция | 11,792 | 17,923 |
5 | Австрия | 10,575 | 7,985 |
6 | Франция | 10,352 | 9, 752 |
7 | Великобритания | 8, 800 | 10,811 |
8 | Венгрия | 8,596 | 5,636 |
9 | Польша | 6,850 | 8,603 |
10 | Чехия | 6,125 | 4,600 |
По данным ПАО «Газпром»