Арцемій Троіцкі: Лукашэнка ў апошнія дні занадта шмат шуміць

Дыктатар выявіўся ў няпростай сітуацыі.

Расейскі журналіст - пра парламенцкія выбары ў Беларусі.

У сваёй перадачы «Хаціна дзядзькі Цёма» расейскі журналіст Арцемій Троіцкі выказаўся з нагоды мінулай «парламенцкай» кампаніі ў Беларусі, паведамляе «Салідарнасць».

- Лукашэнка ў апошнія дні вырабляе шмат шуму. Гэта звязанае з тым, што ў Беларусі толькі што прайшлі «парламенцкія выбары». Пра «выбары» казаць не будзем, бо там з самага пачатку было зразумела, што ніякага выбару напраўду няма. Хоць на 100 з невялікім месцаў прэтэндавала 500 з лішнім чалавек, то бок, 5 чалавек на месца, зразумела, што ўсіх нармальных кандыдатаў да гэтых «выбараў» проста-проста не дапусцілі. Не засталося практычна нікога, і змагаюцца адны лукашэнкаўцы з іншымі, круглыя лукашэнкаўцы з квадратнымі. Нічагуткі гэтыя «выбары» ў беларускім унутрыпалітычным жыцці не зменяць, - мяркуе Арцемій Троіцкі.

Ён нагадвае, што ў снежні надыходзіць дэдлайн з нагоды расейска-беларускіх пагадненняў.

- Сітуацыя там складаная. І ў эканамічным плане складаная і ў палітычным няпростая.

Арцемій Троіцкі таксама нагадаў, што паўсталі вялікія пытанні з дамовай аб супольнай ахове межаў.

- Там цяпер даволі бязладная, вельмі каламутная сітуацыя. Таму што, з аднаго боку, маецца Рэспубліка Беларусь, а з другога нейкае мутанцкая, фантомная саюзная дзяржаву, - адзначае Троіцкі. - А там асабліва пасля контрсанкцый паплылі беларускія вустрыцы і крэветкі, хамон і пармезан, плынь мігрантаў, кантрабанда. З іншага боку, два наборы памежнікаў. Увогуле, поўнае бязладдзе.

На думку журналіста, сёння Лукашэнка знаходзіцца ў няпростай сітуацыі.

- Балансуе ён на канаце - адзначае Арцемій Троіцкі. - Няпростая сітуацыя і ў Лукашэнкі, і ў самой Беларусі.