У Мазырскім памежным атрадзе пакончыў з сабой яфрэйтар тэрміновай службы
19- 20.11.2019, 10:42
- 42,703
Загінуламу было 20 гадоў.
У Мазырскім памежатрадзе пакончыў з сабой вайсковец тэрміновай службы.
Расследаваннем здарэння займаецца Следчы камітэт Беларусі, які вызначае прычыны і абставіны трагедыі. Пра гэта паведамляе прэс-служба Дзяржпамежкамітэта.
Цела вайскоўца тэрміновай службы з прыкметамі суіцыду знайшлі 20 лістапада а 2-й гадзіне ночы. Загінуламу яфрэйтару было 20 гадоў.
– Ён быў прызваны ў органы памежнай службы ў лістападзе 2018 года. Службу праходзіў у Мазырскім памежным атрадзе. Характарызаваўся станоўча. Меў заахвочванні ад камандавання часткі, у тым ліку падзяку за разумную ініцыятыву і стараннасць, выяўленыя пры нясенні службы, адважныя дзеянні ў выяўленні і затрыманні парушальніка мяжы, а таксама высокія паказнікі на службе за III квартал 2019 года. З асабістых гутарак вызначана, што пасля тэрміновай ваеннай службы планаваў застацца на ваенную службу паводле кантракта, – апавялі ў ДПК.
У лістападзе ён вярнуўся ў памежатрад з адпачынку, які праводзіў дома.
Расследаваннем здарэння займаецца Следчы камітэт Беларусі, які вызначае прычыны і абставіны трагедыі.
Камандаванне Дзяржпамежкамітэта выказвае спачуванні родным і блізкім вайскоўца.