Футбаліст «Энэргетыка»-БГУ зацікавіў ЦСКА

Ілля Шкурын можа папоўніць шэрагі маскоўскай каманды.

Беларускі форвард «Энэргетыка»-БГУ Ілля Шкурын трапіў у сферу інтарэсаў маскоўскага ЦСКА, «Крылаў Саветаў» і Арэнбурга, піша «Прессбол».

Футбаліст можа змяніць клубную прапіску ўжо падчас зімовага акна. Трансфер Шкурына каштавацьме патэнцыйнаму пакупніку прыкладна 1,5 млн еўраў. За гульцом таксама сочаць еўрапейскія клубы, паведамляе ФАН.

Раней Шкурыным цікавіўся «Спартак», аднак перамоваў паміж бакамі не было.

У чэмпіянаце Беларусі-2019 Шкурын правёў 24 матчы, забіў 17 галоў і аддаў 4 галявыя перадачы.