Зяленскі запатрабаваў вярнуць зніклую з украінскіх караблёў тэхніку

Прэзідэнт Украіны агледзеў вернутыя РФ суда.

Прэзідэнт Украіны Уладзімір Зяленскі запатрабаваў вярнуць зніклую маёмасць з перададзеных Расеяй украінскіх ваенных караблёў, якія напярэдадні прыбылі ў порт Ачакава. Пра гэта паведамляе ТАСС.

Пасля агляду ваенных катараў кіраўнік дзяржавы адзначыў, што на борце не хапае часткі абсталявання і ваеннай тэхнікі. «Я ўбачыў стан, будзе расследаванне. Мы абавязкова звернемся да расейскага боку, каб ён вярнуў усё, што там было», – заявіў ён.

Ён таксама паведаміў, што катарам спатрэбіцца рамонт, які зойме блізу трох месяцаў. Зяленскі дадаў, што вельмі рады вяртанню трох караблёў украінскіх ВМС.

Праз год Расея вярнула Украіне два малыя браняваныя катары «Бярдзянск» і «Нікапаль», а таксама буксір «Яны Капу», якія 25 лістапада 2018 года былі абстраляныя і захопленыя расейскай памежслужбай у Керчанскім праліве.