У Перу знайшлі храм, якому тры тысячы гадоў

Храм пабудавалі прадстаўнікі старажытнай культуры, якія пакланяюцца вадзе.

3000-гадовы храм быў знойдзены падчас раскопак на археалагічным аб'екце Уака Эль-Тора (Huaca El Toro) каля сучаснага горада Аятун на паўночным захадзе Перу, у даліне ракі Зана. Са слоў археолагаў, храм пабудавалі прадстаўнікі старажытнай культуры, якія ўшаноўваюць ваду, піша «Вокруг света».

Як мяркуецца, храм быў пабудаваны ў сярэдзіне 2 тысячагоддзі да н.э. Размяшчэнне паміж рэкамі і наяўнасць вакол яго шматлікіх невялікіх калодзежаў пачытас, якія старажытныя жыхары Перу выкарыстоўвалі для прадказання дажджлівых перыядаў, сведчаць пра важнасць вады для людзей гэтай эпохі. Ваду абагаўлялі, выкарыстоўвалі і для ўраджаю, і для рэлігійных абрадаў.

Храм быў пабудаваны з вялікіх каменных блокаў, выразаных у скалах у 3 кіламетрах ад месца збудавання.

Акрамя камянёў, ад храма засталася лесвіца даўжынёй 15 метраў, алтар і круглая калона. Будынак быў звернуты пярэднім бокам да гары, і тут праводзіліся рытуалы спалення. Адтуліны ў алтары былі прызначаныя для збору дажджавой вады.

Мяркуецца, што амаль 250 года да н.э. храм быў закінуты, а блізу 1300 года н.э. зноў стаў выкарыстоўвацца прадстаўнікамі больш позняй культуры чыму як некропаль - навукоўцы выявілі 21 грабніцу, якая належыць гэтай культуры. Акрамя парэшткаў там знаходзіліся прадметы з металу, гліняны посуд і яго аскепкі.