Сяргей Дубавец: Для беларусаў Каліноўскі - нацыянальны герой №1, таму тут столькі нашых сцягоў

Каліноўскі - гэта сэрца ўсіх беларусаў.

Сёння ў Вільні праходзіць ўрачыстае перапахаванне Кастуся Каліноўскага і ягоных паплечнікаў - удзельнікаў нацыянальнага вызваленчага паўстання 1863 года. Журналіст і выдавец Сяргей Дубавец прысутнічае на ўрачыстых мерапрыемствах у Літве:

- Для беларусаў Каліноўскі - нацыянальны герой №1, таму тут столькі нашых сцягоў. І ў асноўным толькі нашы сцягі. Гэта грандыёзнае мерапрыемства. Каліноўскі - гэта сэрца ўсіх беларусаў. Ён нас аб'яднаў сёння. Таму сёння тут прадстаўнікі ўсіх нашых партый і рухаў - у нашай старажытнай сталіцы. Каліноўскі дазволіў ідэнтыфікаваць, хто сёння беларус, у каго Кастусь у сэрцы, а хто - псеўдабеларус.

Charter97.org вядзе онлайн-трансляцыю ўрачыстага перапахавання Каліноўскага і паўстанцаў.