У Грузіі трываюць пратэсты

Сябры апазіцыйнай партыі «Еўрапейская Грузія» павесілі замок на бюро старшыні парламента Грузіі.

У пятніцу, 22 лістапада, чальцы апазіцыйнай партыі "Еўрапейская Грузія" і грамадзянскія актывісты на знак пратэсту супраць правалу выбарчай рэформы павесілі замок на бюро старшыні парламента Грузіі Арчыла Талаквадзэ ў горадзе Азургеці, паведамляе "Навіны-Грузія".

Як адзначаецца, падчас сённяшняй акцыі ля мажарытарнага бюро Талаквадзэ была мабілізаваная вялікая колькасць паліцыі. Перашкодзіць павесіць замок на дзверы офіса таксама спрабавалі актывісты "Грузінскай мары". Некалькі разоў сітуацыя абвастралася.

Старшыню азургецкага аддзялення "Еўрапейскай Грузіі" Міхаіла Гагацішвілі сапхнулі з прыступак мэрыі, дзе знаходзіцца бюро.

"Яны штурхалі нас, праганялі, але ў выніку офіс Талаквадзэ быў апячатаны. На будынак мэрыі, дзе знаходзіцца мажарытарнае бюро Талаквадзэ, мы наклеілі стыкеры. У нас было супрацьстаянне з актывістамі "Грузінскай мары". Яны пачалі абражаць нас, аднак мы зафіксавалі, што мы мірныя грамадзяне і пратэстуем супраць правалу (рэформы). Мы сказалі, каб яны не здымалі (замок), бо мы зноў вернемся. Усюды мы нагадаем ім, што абяцанне павінна быць выкананае, і выбары павінны быць праведзены паводле прапарцыйнай сістэмы", - сказаў Гагацішвілі журналістам.