Тадэвуш Кандрусевіч: Каліноўскі першым успрымаў беларусаў як асобную палітычную нацыю
1- 22.11.2019, 14:25
- 18,015
Кіраўнік Каталіцкага касцёла выступіў у кафедральным саборы ў Вільні са слязамі на вачах.
Сёння ў Вільні праходзіць урачыстае перапахаванне Кастуся Каліноўскага і ягоных паплечнікаў - удзельнікаў нацыянальнага-вызвольнага паўстання 1863 года. Кіраўнік Каталіцкага касцёла ў Беларусі Тадэвуш Кандрусевіч выступіў у кафедральным саборы:
- Паўстанцы былі прадстаўнікамі розных народаў і веравызнанняў, але ўсе яны ваявалі за свабоду. Сярод іх і Каліноўскі, сын беларускага народа. Таму гэтая падзея мае асаблівае значэнне для Беларусі. Каліноўскі першым успрымаў беларусаў як асобную палітычную нацыю. Нішто так не аб'ядноўвае, як кроў, пралітая ў супольнай барацьбе за свабоду. Сімвалічна, што паўстанцаў хаваюць у Вільні - горадзе, які аб'ядноўвае літоўцаў, палякаў і беларусаў. Вечны спакой дай іх душам, Госпадзе! - сказаў Тадэвуш Кандрусевіч са слязамі на вачах.
Charter97.org вядзе онлайн-трансляцыю ўрачыстага перапахавання Каліноўскага і паўстанцаў.