Чаму ўлады не ўключаюць дзяржаўную мыту ў паліва?

Нюансы ад Міністэрства фінансаў.

Працягваюцца размовы пра праект указа, які рэгламентуе парадак збору дзяржаўнай мыты, - прыкладна з вясны гэтага года, піша «Онлайнер». Новы віток абмеркавання - выступ міністра фінансаў Максіма Ермаловіча. З яго слоў, міністэрства па-ранейшаму прапануе адвязаць выплату дарожнага збору ад тэхагляду, у якасці альтэрнатывы абмяркоўваецца варыянт уключэння збору ў кошт аўтамабільнага паліва. Але ёсць нюансы.

«Міністэрства фінансаў падрыхтавала праект указа, які спрашчае парадак спагнання збору з адначасовым узмацненнем кантролю за яго выплатай. Таксама прапануецца стымул, каб выплачваць збор на працяглыя тэрміны. Дарожны збор не будзе завязаны на праходжанне тэхагляду. Гэты праект указа узгоднены з усімі зацікаўленымі, урад выходзіць з кансалідаванай пазіцыяй, цяпер працягваецца абмеркаванне ўсіх пераваг і недахопаў прапанаванай канцэпцыі. Узмацненне кантролю за выплатай збору прывядзе да росту паступленняў у бюджэт. Мяркуецца, што кантроль будзе аўтаматычным», - цытуе міністра БелТА. Зрэшты, нічога новага.

А вось што сапраўды варта ўвагі, так гэта тлумачэнні Ермаловіча з нагоды сумневаў наконт уключэння збору ў кошт паліва: «Фактычна гэта павышэнне ставак акцызаў і павышэнне коштаў на паліва на ўнутраным рынку. Тут ёсць свае перавагі і недахопы: з аднаго боку, істотна спрашчае парадак выплаты збору, але мы разумеем, што канчатковым плацельшчыкам становіцца ўсё насельніцтва. А так як кошт паліва мае карэляцыю з дяржаўнымі выдаткамі, гэта нязменна адаб'ецца на агульных цэнах у эканоміцы, у тым ліку і на самыя масавыя прадукты». Відавочна, такое рашэнне можа абурыць многіх - хоць бы таму, што людзей у краіне амаль у чатыры разы больш, чым аўтамабіляў.

Жорсткіх тэрмінаў прыняцця ўказа няма. Са слоў міністра фінансаў, на бюджэт 2020 года магчымыя змены ў выплаце збору не паўплываюць.