На Паўночным полюсе Зямлі знайшлі загадкавы феномен

У гэтых абласцях назіраюцца анамаліі, якія пакуль не маюць тлумачэння.

Навукоўцы NASA вывучаць каспы ў структуры магнітнага поля Зямлі – віхрападобныя сцёкі для зараджаных часціцаў ля палюсоў планеты. У гэтых абласцях назіраюцца анамаліі, якія пакуль не маюць тлумачэння, у тым ліку лакальнае павелічэнне шчыльнасці атмасферы і парушэнне працы сродкаў сувязі. Пра гэта паведамляе выданне Science Alert (пераклад – lenta.ru).

Агенцтва плануе паслаць да Паўночнага полюсу тры місіі, адна з якіх – Cusp Region Experiment-2 – зоймецца даследаваннем атмасфернай анамаліі. У вобласці, якая знаходзіцца на вышыні 322 кіламетраў, шчыльнасць паветра значна вышэйшая за сярэднюю. Калі б перапады ціску, звязаныя з падвышанай шчыльнасцю, адбываліся ля паверхні Зямлі, то яны выклікалі б рэкордны ў сіле ўраган.

Гэтая вобласць можа несці пагрозу для касмічных караблёў і спадарожнікаў, а атмасферная турбулентнасць замінае працы GPS і сродкаў сувязі.

Мэтай іншай, ужо распачатай, місіі – Cusp Irregularities-5 – з'яўляецца вывучэнне турбулентнасці, каб навучыцца адрозніваць яе ўплыў ад працы электрычных хваляў, якія таксама здольныя парушаць функцыянаванне сродкаў сувязі. Аднак папярэднія звесткі паказваюць, што місія можа стацца няўдалай. Трэцяя місія CHI прызначаная для вымярэння плыняў плазмы і газаў у каспе. Гэта дапаможа навукоўцам прадказваць паводзіны магнітнага поля ў гэтай галіне, каб пазбегнуць паломкі тэхнікі.