Стала вядома, як звольнілі Захарава з «Юнацтва»
5- 4.11.2019, 14:32
- 14,429
Словы хакейнага трэнера толькі пацвярджаюць інфармацыю, што яго звальнялі не шараговыя чыноўнікі.
Паводле інфармацыі «Салiдарнасцi», руку да гэтага прыклаў непасрэдна Лукашэнка, які не захацеў, каб спецыяліст узначальваў адначасова і нацыянальную каманду Беларусі, і хакейны клуб.
У нядзельным выпуску праграмы «Вынікі тыдня» на тэлеканале «Беларусь 1» Міхаіл Захараў падзяліўся падрабязнасцямі свайго звальнення:
- Усё атрымалася імкліва і хутка... Даведаўся, што звольнены з «Юнацтва», з СМІ. Прыбегла сям'я, пасля сказалі, што трэба здаць тэлефоны, кампутары і астатнія рэчы. Груба кажучы, адбылося гэта а пятай гадзіне, у канцы працоўнага дня.
Быў трохі здзіўлены, што ўсё так хутка адбылося. Хоць з ФХБ была дамова, што я сумяшчаю пасады. Атрымалася так. Кіраўніцтва вызначыла, што мне варта сканцэнтравацца толькі на нацыянальнай камандзе, - расказаў спецыяліст.
Мабыць, словы Захарава толькі пацвярджаюць інфармацыю аб тым, што пастанова аб ягоным звальненні прымалася відавочна не чыноўнікамі Федэрацыі хакея Беларусі.