У Балгарыі адкрылі бюст Янкі Купалы
2- 4.11.2019, 19:17
- 12,151
Бюст народнага паэта Беларусі адкрылі ў горадзе Пліска.
У балгарскім горадзе Пліска ўрачыста адкрылі бюст народнага паэта Беларусі Янкі Купалы. Цырымонія прайшла ў Двары кірыліцы, паведамляе БелТА.
Супрацоўнікі беларускай амбасады ў Балгарыі распавялі, што пастамент бюста быў «пасыпаны зямлёй з радзімы Янкі Купалы». Беларуская дэлегацыя ўсклала да помніка белыя ружы - любімыя кветкі паэта. Таксама прагучалі вершы класіка на беларускай і балгарскай мовах.
Аўтар бюста - беларускі скульптар Уладзімір Слабодчыкаў. Ён прысутнічаў на цырымоніі.