Бюджэт-дня 2020: куды накіруюць грошы ад дарожнага збору

Падрабязнасці з Міністэрства фінансаў.

Атрыманыя ад дарожнага збору сродкі ў 2020-м плануецца накіраваць на рамонт дарог, а таксама на выплату крэдыту, выдзеленага на будаўніцтва МКАД-2, паведамляе «Салідарнасць».

Гэтыя выдаткі прадугледжаны праектам закона аб нацыянальным бюджэце на 2020 год, апублікаваным на сайце Міністэрства фінансаў.

Плануецца, што даходы дарожнага фонду ў 2020-м складуць 616 млн беларускіх рублёў, з якіх блізу паловы будуць сродкі дарожнага збору.

Нагадаем, што падатак за выдачу дазволу на допуск транспартнага сродку да ўдзелу ў дарожным руху быў уведзены ў Беларусі ў 2015-м годзе. Гэта пастанова ўладаў стала адной з самых спрэчных за апошнія гады.

Адным з галоўных наступстваў увядзення дарожнага падатку стала масавая адмова аўтаўладальнікаў праходзіць тэхнічны агляд, які ўвязалі з выплатай падатку.

У красавіку сёлета ўлады планавалі адвязаць дарожны збор ад праходжання тэхагляду аўтамабіля і скасаваць. А замест увесці дзяржаўную мыту за карыстанне дарогамі, якую можна будзе аплачваць памесячна - толькі за перыяд, калі аўтамабіліст карыстаецца аўтамабілем. Аднак, доўгачаканага скасавання мыты не адбылося.