Чым займаецца Лукашэнка ў Абу-Дабі?
32- 5.11.2019, 9:08
- 42,586
Журналісты вывучылі дзіўныя паведамленні прэс-службы дыктатара.
Збіраючыся ў ААЭ, Лукашэнка растлумачыў, што гэтая паездка стане для яго «магчымасцю на некалькі дзён адысці ад паўсядзённага жыцця»:
– Хоць бы тры дні мне заадно там ногі абмакнуць у гэты заліў. Адпачынак не атрымаецца. У прэзідэнта няма намеснікаў.
Прайшло ўжо чатыры дні, а паведамленняў пра вяртанне кіраўніка ўсё яшчэ няма. Як і навінаў з Абу-Дабі, адкуль толькі ў першы дзень візіту прыйшло некалькі афіцыйных фота, піша «Салідарнасць».
Зрэшты, мяркуючы з паведамленняў прэс-службы Лукашэнкі, «без справы» ў Абу-Дабі ён не сядзіць.
Вось поўны спіс «справаў», якім ён прысвяціў апошнія тры дні.
1 лістапада
Павіншаваў калектыў Віцебскай дзяржаўнай акадэміі ветэрынарнай медыцыны з 95-годдзем з дня заснавання ўстановы адукацыі.
Накіраваў прывітанне ўдзельнікам і гасцям Міжнароднага музычнага фестывалю «Залаты шлягер – 2019».
Павіншаваў кіраўніка Алжыра Абдэлькадэра Бенсалеха з Днём Рэвалюцыі.
Павітаў удзельнікаў XXVI Менскага міжнароднага кінафестывалю «Лістапад».
І зноў Віцебск. Віншаванні калектыву Віцебскага дзяржаўнага медыцынскага ўніверсітэта з 85-годдзем з дня заснавання ВНУ.
Павіншаваў Рафаэля Марыяна Гросі з прызначэннем на пасаду Гендырэктара МАГАТЭ.
3 лістапада
Ад імя беларускага народа і сябе асабіста павіншаваў Прэзідэнта Панамы Лаўрэнціна Картыса з Днём Незалежнасці.
4 лістапада
Павіншаваў калектыў Нацыянальнага мастацкага музея з 80-годдзем з дня заснавання.
Узнікае заканамернае пытанне: за што гэты чалавек атрымлівае грошы беларускіх падаткаплацельнікаў?