Агучаная задача нацыянальнай каманды Беларусі ў хакеі на ЧМ-2020
4- 5.11.2019, 16:59
- 10,730
Сусветнае першынство пройдзе ў траўні наступнага года ў Цюрыху і Лазане.
Галоўны трэнер Міхаіл Захараў агучыў задачу нацыянальнай каманды Беларусі ў хакеі на чэмпіянат свету 2020 года. На турніры, у якім возьмуць удзел 16 каманд, беларускія хакеісты павінны заняць месца, не ніжэйшае за 12-е, паведамляе "Еўрарадыё".
Сусветнае першынство пройдзе ў траўні наступнага года ў Цюрыху і Лазане. Як вядома, беларусы маюць страхоўку ад вылету з эліты, бо ў 2021-м праводзяць разам з Латвіяй чэмпіянат свету.
Прэс-канферэнцыя Захарава ў аўторак прайшла на "Чыжоўцы-Арэне". Ён таксама адказаў на пытанне пра свой трэнерскі штаб. Прозвішчы памочнікаў галоўнага трэнера ("вядомых спецыялістаў з вялікім досведам") пададуць у снежні.