15 лiстапада 2019, Пятніца, 22:14
Добрая навіна
Рубрыкі

Работнікі якіх прадпрыемстваў могуць застацца без працоўных пенсій?

18
Работнікі якіх прадпрыемстваў могуць застацца без працоўных пенсій?
ІЛЮСТРАЦЫЙНАЕ ФОТА BYMEDIA

Усяго такіх прадпрыемстваў 1002.

Больш за тысячу арганізацый і індывідуальных прадпрымальнікаў патрапілі ў спіс завінавачаных у пералічэнню абавязковых страхавых унёскаў у Фонд сацыяльнай абароны насельніцтва, пішуць «Сильные новости».

У рэгіёнах сітуацыя на 1 кастрычніка ў колькасці арганізацый-завінавачаных склалася такая:

1 месца: Менская вобласць - 383

2 месца: Віцебская вобласць - 244

3 месца: Менск - 194

4 месца: Берасцейская вобласць - 156

5 месца Магілёўская вобласць - 121

6 месца: Гомельская вобласць - 60

7 месца: Гарадзенская вобласць - 36

Усяго такіх 1002, а агульная сума запазычанасці перавышае 22,3 млн руб. На 1 ліпеня завінавачаных было 1227 з сумай запазычанасці 23,6 млн руб. Гэта значыць, нейкая станоўчая дынаміка да іх скарачэння назіраецца. Пры гэтым менш неаплатнікаў (на 4) стала і на Гомельшчыне.

Самымі ж злоснымі неаплатнікамі па-ранейшаму застаюцца прадпрыемствы Глыбоцкага раёна Віцебскай вобласці УП «Мярэцкія» (1 млн 393 тыс 452 руб) і ААТ «Глыбоцкі камбікормавы завод» (1 млн 296 тыс 106 руб). На трэцім месцы - берасцейскае ААТ «Будаўнічы трэст №8» (758 тысяч 849 руб).

У параўнанні з гэтымі «мільянерамі» Гомельшчына выглядае вельмі паспяховым рэгіёнам. Агульная запазычанасць у ФСАН склала менш за 180 тысяч.

Амаль палова - 28 арганізацый - размяшчаюцца ў Гомелі. Усяго яны завінаваціліся звыш 67 тысяч руб. Самы злосны неаплатнік у горадзе - ТАА «Гомельскі аўтобусны завод» (30 тысяч 286 руб). За ім ідуць: СТАА «Джэм-Флекс» (16 тыс 118 руб), ПП «Тарнада Старажытны» (15 тысяч 013 руб), ТАА «Высокадакладныя механізмы» (8 тыс 598 руб) і ТДА «Графіт» (6 тысяч 021 руб). У астатніх запазычанасці складаюць ад 111 руб да 3 тысяч руб.

Характэрна, што паводле папярэдніх звестак, самым злосным неаплатнікам з самай вялікай запазычанасцю з'яўлялася ТАА «Футбольны клуб «ЮА-Лад-Жыткавічы», запазычанасць якога ў скарбонку ФСАН складала 59 тысяч 248 руб. У новым спісе спартоўцаў «выдалілі з поля». Футбольны клуб з верасня знаходзіцца ў стане ліквідацыі.

Па раёнах сітуацыя выглядае так (пазначаныя самыя злосныя неаплатнікі):

Жлобінскі (7 арганізацый): ТАА «Санцяплоград» (1549 руб), ІП «Спыну» (1375 руб., ПП «АшКамБуд» (1144 руб). У астатніх запазычанасць ад 114 руб да 808 руб.

Светлагорскі (6): ТАА «Форэкс Фактар» (6 тысяч 053 руб), ІП «Юрчык В.М.» (519 руб)., ТАА «Бар Самавар» (247 руб)

Калінкавіцкі (5): ФХ Змушко У.І. «Ідэал» (14 тысяч 719 руб), ТАА «Кастрычніцкі ДОК» (3 тысячы 780 руб), ТАА «АграОптТрэйдРос» (1 тысяча 844 руб)

Гомельскі (4): ТДА «АнаіцісПрамТорг» (6 тысяч 185 руб), ТДА «Тэхнатрэйд» (1 тысяча 703 руб)

Рэчыцкі (3): ААТ «Рэчыцаабутак» (9 тысяч 487 руб) ІП «Найлсервіс» (3 тысячы 085).

Рагачоўскі (3): ТАА «Нойштат» (14 тысяч 884 руб) У двух ІП запазычанасць крыху большая за 200 руб.

Па аднаму завінавачанаму ў Буда-Кашалёўскім (ІП «Лесторг-плюс», 310 руб), Жыткавіцкім (ТАА «НерудЭкспа», 10 тысяч 695 руб), Лоеўскім (ФХ «Ільіна», 747 руб) і Хойніцкім (ТАА «Цімберфорт», 124 руб) раёнах.