У сераду ў Беларусі будзе да +15 градусаў

На большай частцы тэрыторыі пройдуць дажджы.

У сераду, 6 лістапада, у Беларусі чакаецца воблачнае надвор'е, паведамляе Белгідрамет.

На большай частцы тэрыторыі пройдуць дажджы, раніцай і ўдзень месцамі прагназуюцца моцныя дажджы. Уначы і раніцай у асобных раёнах будзе туман. Вецер уначы будзе паўднёва-заходні, удзень пераменных напрамкаў умераны.

Уначы тэрмометры пакажуць 4-10 вышэй за нуль, на паўднёвым усходзе - да 12 градусаў цяпла. Удзень прагназуецца ад +7 на паўночным захадзе да +15 на паўднёвым усходзе краіны.