15 лiстапада 2019, Пятніца, 1:50
Добрая навіна
Рубрыкі

Тысячы навукоўцаў з усяго свету заявілі пра «надзвычайную сітуацыю» на Зямлі

26
Тысячы навукоўцаў з усяго свету заявілі пра «надзвычайную сітуацыю» на Зямлі

Высновы спецыялістаў заснаваныя на звестках, атрыманых у ходзе 40-гадовых назіранняў за кліматам.

Брытанскі навуковы часопіс BioScience апублікаваў зварот навукоўцаў і эколагаў да сусветнай супольнасці, які падпісалі больш за 11 тысяч спецыялістаў, паведамляе svoboda.org.

Аўтары звароту заяўляюць, што Зямля знаходзіцца ў «надзвычайнай кліматычнай сітуацыі» і што «кліматычны крызіс наступіў і пагаршаецца значна хутчэй, чым чакала большасць».

Цяперашні крызіс, мяркуюць навукоўцы, пагражае без малога «лёсу планеты».

У звароце гаворыцца, што калі ў самы найбліжэйшы час не прыняць меры для скарачэння выкідаў у атмасферу вуглякіслага газу, то чалавецтва чакаюць «неверагодныя пакуты». Асобна падкрэсліваецца, што высновы спецыялістаў заснаваныя на звестках, атрыманых у ходзе 40-гадовых назіранняў за кліматам, узроўнем спажывання энэргіі, ростам народанасельніцтва, тэмпамі знікнення лясоў і відаў жывёл, масай палярных льдоў і пасажырскіх авіяперавозак, якія з'яўляюцца адным з фактараў глабальнага пацяплення.

У якасці неадкладных мер па паляпшэнню сітуацыі навукоўцы прапануюць замену выкапнёвага паліва на аднаўляльныя крыніцы энэргіі, увядзенне высокіх «вугляродных падаткаў», скарачэнне выкідаў няўстойлівых забруджвальнікаў, адмова ад спажывання жывёльнай ежы і высечкі лясоў, а таксама перагляд эканамічнай палітыкі вядучых краін свету ў бок адмовы ад імкнення да росту ВУП.