Украінскія працоўныя ў Польшчы атрымліваюць на рукі да 4,5 еўраў на гадзіну

18% польскіх кампаній наймаюць супрацоўнікаў з Украіны.

18% кампаній у Польшчы, паводле звестак апытання кампаніі Personnel Service, наймаюць супрацоўнікаў з Украіны. Сярод іх 40 адсоткаў - буйныя прадпрыемствы. Грамадзяне Украіны часцей за ўсё занятыя ў будаўнічай галіне, дзе атрымліваюць 15, 18, а часам нават 20 злотых на рукі за гадзіну (1 еўра = 4,3 злотага), паведамляе «Польскае радыё».

Штогод у краіне ствараецца 700 000 новых працоўных месцаў, а попыт на супрацоўнікаў велізарны. З нізкім узроўнем беспрацоўя ў Польшчы мясцовых работнікаў ужо бракуе.