15 лiстапада 2019, Пятніца, 22:14
Добрая навіна
Рубрыкі

Колькі грошай прыносіць Украіне IT-індустрыя

1
Колькі грошай прыносіць Украіне IT-індустрыя

Украінцы масава выбіраюць працу ў тэхналагічным сектары.

За апошнія чатыры гады ўкраінскі IT-рынак павялічыўся ўдвая і стаў адным з галоўных кірункаў экспарту паслуг. Пра гэта гаворыцца ў даследаванні кампаніі N-IX, піша «Новое время».

На пачатак 2019 года ў галіне працавала прыблізна 184,7 тысячы IT-адмыслоўцаў. Яна прыносіць краіне блізу $5 млрд на год. Паводле прагнозаў аўтараў даследавання, да 2020 года колькасць ІТ-спецыялістаў вырасце да 220 тысяч спецыялістаў.

На гэты момант ва Украіне існуе больш за 1,6 тысячы кампаній, якія надаюць IT-паслугі, і больш за 4000 тэхналагічных кампаній.

Паводле інфармацыі World Bank, PwC і IT Ukraine, больш за 100 кампаній са спісу Fortune з'яўляюцца кліентамі ўкраінскіх IT-фірмаў.

Большасць украінцаў прыходзяць працаваць у IT-індустрыю праз цікавасць да тэхналогій (78%) і высокіх заробкаў (63%).

Пры гэтым, украінскія ІТ-спецыялісты пераважна пражываюць у трох гарадах: Кіеве, Харкаве і Львове.

Львоў з'яўляецца другім па велічыні IT-цэнтрам ва Украіне. Сёлета працуюць 317 кампаній і больш за 20 тысяч спецыялістаў, якія надаюць паслугі пераважна кліентам з ЗША і Заходняй Еўропы.

Нагадаем, што Кабмін прапаноўваў стварыць новую групу падаткаабкладання для ФОП у IT-галіне са зборам на развіццё чалавечага капіталу.