Трамп: Разам мы можам пабудаваць будучыню, свабодную ад заганаў камунізму

Прэзідэнт ЗША выступіў з заявай з нагоды Нацыянальнага дня памяці ахвяр камунізму.

Прэзідэнт ЗША Дональд Трамп апублікаваў заяву з нагоды Нацыянальнага дня памяці ахвяр камунізму, паведамляе «Голос Америки».

«Мы ўспамінаем больш чым 100 мільёнаў чалавек, якія пайшлі з жыцця ў выніку камуністычных рэпрэсій. Сёння мы зноў пацвярджаем свой цвёрды намер дапамагчы забяспечыць усім людзям будучыню міру і працвітання, заснаваную на ключавых прынцыпах дэмакратыі: свабодзе, справядлівасці і глыбокай павазе каштоўнасці кожнага чалавечага жыцця», - заявіў прэзідэнт CША.

Прэзідэнт нагадаў, што сёлета Нацыянальны дзень памяці ахвяр камунізму супаў з 30-й гадавінай падзення Бэрлінскага мура. «9 лістапада 1989 года рашучыя мужчыны і жанчыны ўвасобілі ў жыццё словы прэзідэнта Рональда Рэйгана, абрынуўшы гэты сімвал таталітарызму і паказаўшы ўсяму свету, што дэмакратыя і правапарадак заўсёды будуць радавацца над прыгнётам і тыраніяй, - гаворыцца ў заяве. - Прыгадваючы гэтую гістарычную вяху ў сферы правоў чалавека, мы поўныя рашучасці працягваць супрацоўніцтва з нашымі хаўруснікамі і партнёрамі, каб полымя свабоды і далей гарэла маяком надзеі і магчымасці ва ўсім свеце».

«Паважаючы памяць ахвяр камунізму ва ўсім свеце, мы павінны таксама імкнуцца заўсёды бараніць каштоўныя свабоды, якія садзейнічаюць міру і беспрэцэдэнтнаму росквіту. Разам мы можам пабудаваць будучыню, свабодную ад заганаў камунізму», - рэзюмаваў прэзідэнт ЗША.