13 лiстапада 2019, Серада, 3:56
Добрая навіна
Рубрыкі

Польшча нанесла рэкордны ўдар па «Паўночным струмені-2»

11
Польшча нанесла рэкордны ўдар па «Паўночным струмені-2»
ФОТА: NORD STREAM 2/AXEL SCHMIDT

Быў накладзены буйны штраф на партнёра «Газпрама».

Польскі антыманапольны рэгулятар UOKIK аштрафаваў партнёра расейскага «Газпрама», кампанію Engie Energy, на 172 млн злотых (40 млн еўраў).

Пра гэта паведамляе «Еўрапейская праўда» са спасылкай на BiznesAlert.

Цяпер рэгулятар аналізуе, ці парушыў «Газпрам» і фінансавыя партнёры «Паўночнага струменю-2» заканадаўства аб канкурэнцыі. Цяпер UOKIK надумаў пакараць зарэгістраваную ў Швайцарыі кампанію Engie Energy, якая з'яўляецца «дачкой» французскай Engie. Прычына - адмова ад супрацоўніцтва з расследаваннем UOKIK.

«Мы папрасілі ў кампаніі дакументы і звесткі пра кантракты, укладзеныя з «Газпрамам». Кампанія настойліва беспадстаўна адмаўлялася выдаць нам запытаныя дакументы і матэрыялы», - заявіў у пятніцу кіраўнік UOKIK Марэк Нехцял.

Паводле ягоных слоў, гэта выклікала значную затрымку ў дзейнасці рэгулятара аб вывучэнні фінансавання будаўніцтва «Паўночнага струменю-2». Таму UOKIK наклаў на кампанію штраф на 172 млн злотых, які з'яўляецца найбуйнейшым у гісторыі рэгулятара.

«Мы не ведаем, што ў дакументах Engie. Магчыма, таму яны не хочуць іх адпраўляць», - дадаў Нехцял, адзначыўшы, што справа аб «Паўночным струмені-2» працягваецца.

Engie Energy з'яўляецца адной з кампаній, адказных за будаўніцтва газаправода «Паўночны струмень-2».