30 гадоў таму абрынуўся Бэрлінскі мур

Паглядзіце, як людзі радуюцца, калі дыктатуры прыходзіць канец.

30 гадоў таму, увечары 9 лістапада 1989 года, сябра палітбюро кіруючай партыі ГДР Гюнтэр Шабоўскі выпадкова абвясціў на прэс-канферэнцыі, што кіраўніцтва краіны дазволіла грамадзянам свабодна пакідаць яе, піша «Медуза».

Партыя кіравала Усходняй Нямеччынай 40 гадоў, на працягу якіх спроба з'ехаць на Захад лічылася цяжкім злачынствам - у тым ліку спроба з'ехаць у Заходні Бэрлін, які быў у складзе суседняй ФРГ і з 1961 года аточаны бетонным мурам.

Мур вышынёй больш за 3,6 метраў і працягласцю блізу 160 кіламетраў быў пабудаваны па распараджэнне СССР, каб прадухіліць масавыя ўцёкі жыхароў Усходняга Бэрліна.

За няпоўныя 30 гадоў яго існавання, па самых сціплых ацэнках, больш за 100 чалавек былі забітыя пры спробе яго пераадолець. Бэрлінскі мур стаў адным з галоўных сімвалаў сацыялістычнай дыктатуры і ізаляцыі - але быў разбураны ў адзін дзень праз выпадковую заяву партыйнага функцыянера.

Праз некалькі гадзін пасля выступу Шабоўскага да сцяны з абодвух бакоў прыйшлі дзясяткі тысяч чалавек - да паўночы пад усеагульную весялосць КПП былі адкрытыя. Падзенне мура зрабіла амаль непазбежным крах ГДР, які праз год аб'яднаўся з ФРГ.

«Медуза» публікуе здымкі фатографаў агенцтва «Магнум» пра бэрлінскія падзеі лістапада 1989 года.