17 лiстапада 2019, Нядзеля, 21:46
Дзень другі
Рубрыкі

Капітан другога рангу на Плошчы: Я гатовы ўкленчыць перад гэтай моладдзю

13
Капітан другога рангу на Плошчы: Я гатовы ўкленчыць перад гэтай моладдзю
ФОТА: «Радыё Свабода»

Афіцэр падзякаваў беларускай моладзі, якая прыйшла на плошчу Свабоды.

Папулярны беларускі блогер Сцяпан Святлоў (NEXTA), аўтар фільма «Лукашэнка. Крымінальныя матэрыялы», які набраў больш за 1,5 мільёнаў праглядаў на youtube.com і блізу 600 тысяч у іншых сацыяльных сетках, правёў сустрэчу падпісчыкаў у Менску на плошчы Свабоды. На сустрэчу прыйшло блізу 2 тысяч чалавек.

На сустрэчы да моладзі звярнуўся афіцэр-падводнік, капітан другога рангу ў адстаўцы.

«Я капітан другога рангу ў запасе, камандзір атамнай падводнай лодкі «Ленінскі камсамол». Я служыў гэтай праклятай Расеі ўсё жыццё. Я гатовы ўкленчыць перад гэтымі юнакамі, якія не пабаяліся гэтых злыдняў і выйшлі на вуліцу. Нам баяцца ўжо няма часу, а яны - малайцы. Жыве Беларусь!», - сказаў пажылы афіцэр.