1 снежня 2020, aўторак, 12:30
Сім сім, Хартыя 97!
Рубрыкі

Звесткі аб праблемах са здароўем Лукашэнкі засакрэцілі

110
Звесткі аб праблемах са здароўем Лукашэнкі засакрэцілі

Беларус не змог даведацца, наколькі дзеяздольны дыктатар.

Жыхар Магілёва Аляксандр Хамратаў паспрабаваў высветліць у дзяржорганах, наколькі адпавядае праўдзе інфармацыя пра тое, што Лукашэнка праходзіў лячэнне ў ААЭ, паведамляе mogilev.online.

Цікавасць да здароўя дыктатара наўпрост тычыцца дзяржаўных інтарэсаў. Згодна з артыкулам 11 закона «Аб прэзідэнце Рэспублікі Беларусь», Лукашэнка можа быць «датэрмінова вызвалены ад пасады пры стойкай няздольнасці па стану здароўя ажыццяўляць абавязкі прэзідэнта».

Магілёўскі актывіст Аляксандр Хамратаў адрэагаваў на шматлікія паведамленні СМІ аб тым, што беларускі дыктатар займеў вялікія праблемы са здароўем і праходзіў лячэнне ў Аб'яднаных Арабскіх Эміратах. Таксама ён паспрабаваў даведацца, навошта з Лукашэнкам у ААЭ адправіўся ягоны малодшы сын Мікалай - ці было гэта «справай дзяржаўнай важнасці».

З гэтай мэтай ён звярнуўся ў адміністрацыю Лукашэнкі, дзе яму адказалі, што пра здароўе беларускага дыктатара ўсю інфармацыю можна знайсці ў СМІ.

Хамратаў папрасіў канкрэтызаваць, якія ж медыі пішуць пра здароўе Лукашэнкі, але кіраўнік управы працы са зваротамі грамадзян і юрыдычных асоб адміністрацыі Лукашэнкі Рыгор Шлык параіў Хамратаву звярнуцца ў Міністэрства інфармацыі, а менавіта - за дзяржрэестрам СМІ:

- [Вы можаце звярнуцца туды] паводле пытанняў, якія цікавяць вас, канкрэтызаваўшы звесткі, якія вам бы хацелася атрымаць, - напісаў Шлык магілёўскаму актывісту.

Цягам доўгага часу здароўе Лукашэнкі з'яўляецца фактычна таямніцай для беларускага грамадства, калі не ўважаць адзінкавыя інфанагоды ў СМІ. Самая гучная гісторыя здарылася пасля «прэзідэнцкіх выбараў» 2016 года - тады ананімныя крыніцы паведамілі аб інсульце ў Лукашэнкі.

Таксама ў аглядзе падзей саміту ЕАЭС у Ерэване 1 кастрычніка гэтага году многія СМІ адзначылі, што Лукашэнка спускаўся па трапе самалёта з вялікай цяжкасцю, што можа сведчыць пра праблемы са здароўем у дыктатара.