Скандынавія «перадала» Беларусі тэмпературнае прывітанне
3- 1.12.2019, 10:43
- 13,987
Якім будзе надвор'е ў гэтую нядзелю?
У нядзелю тэрыторыя Беларусі будзе знаходзіцца пад уплывам прахалодных няўстойлівых паветраных мас, што паступаюць са Скандынавіі, пішуць naviny.by.
Чакаецца воблачнае з прасвятленнямі надвор'е. Пераважна без ападкаў. Месцамі згусцяцца туманы (праз неспрыяльную пагодную з'яву абвешчаны жоўты ўзровень небяспекі) і галалёд, на асобных адцінках дарог галалёдзіца.
Вецер заходні сярэдні. Тэмпература паветра максімальная ўдзень -4..+1°C.
У сталіцы воблачна з прасвятленнямі. імавернасць дажджу не перавышае 10%. На асобных адрэзках дарог галалёдзіца. Вецер заходні сярэдні. Слупок тэрмометра цягам дня пакажа:
раніцай - 1..-2°C;
удзень - 1..+1°C;
увечары - 1..-3°C.