Берасцейскае «Дынама» скасуе кантракт з Яўгенам Хачарыдзі
- 11.12.2019, 13:57
- 9,291
Украінскі абаронца так і не згуляе за каманду з Берасця.
Найбліжэйшым часам берасцейскае "Дынама" скасуе кантракт з украінскім абаронцам Яўгенам Хачарыдзі, інфармуе "Трыбуна".
32-гадовы абаронца падпісаў кантракт з "Дынама" 23 кастрычніка, пасля чаго Хачарыдзі пачаў трэніравацца з камандай. Меркавалася, што пагадненне ўвойдзе ў дзеянне з 1 студзеня 2020 года.
Апошнім клубам Хачарыдзі быў грэцкі ПАОК, за які ён у сезоне 2018/19 правёў 3 матчы.