19 лютага 2020, Серада, 12:39
Засталося зусім крыху
Рубрыкі

«Размахваў мячом і парваў паліцэйскаму світку»

10
«Размахваў мячом і парваў паліцэйскаму світку»
Александр Габышев
Фото: RFE/RL

Шамана Габышава аштрафавалі на тысячу расейскіх рублёў.

Якуцкі шаман Аляксандр Габышаў, якога напярэдадні затрымалі падчас ягонага другога паходу на Маскву з мэтай "выгнаць Пуціна", аштрафавалі на 1 тысячу рублёў паводле адміністрацыйнага артыкула - за непадпарадкаванне распараджэнню паліцэйскага. Пра гэта currenttime.tv паведаміў каардынатар праваабарончай арганізацыі "Праваабарона Паштоўкі" Аляксей Пранішнікаў, які надае шаману прававую падтрымку.

"У дачыненні да Габышава разгледжана справа ў гарадскім судзе Якуцка паводле арт. 19.3 КоАП РФ ("Непадпарадкаванне законнаму распараджэнню супрацоўніка паліцыі"). Яму прызначылі штраф сумай 1 тысячы рублёў. У пратаколе аб адміністрацыйным правапарушэнні сказана, што Габышаў "размахваў мячом і парваў паліцэйскаму світку", - сказаў Пранішнікаў.

Некалькі якуцкіх СМІ пасля затрымання шамана паведамілі, што на яго завялі крымінальную справу паводле артыкула 318 (выкарыстанне гвалту ў дачыненні да прадстаўніка ўлады), але Следчы камітэт гэта зняпраўдзіў, заявіўшы, што такой справы няма.

Габышаў пачаў другі паход пешшу ў Маскву. 8 снежня. Як і ў першы раз, ён хацеў прайсці пешшу з Якуцка ў Крэмль. Першую вандроўка з Якуціі ў Маскву шаман пачаў у сакавіку 2019 года. Тады ён заяўляў, што прэзідэнт Расеі з'яўляецца "спараджэннем цёмных сіл" і выгнаць яго пад сілу толькі шаману, такому як ён.

Шаман прайшоў бізу 3 тысяч кіламетраў з 8 тысяч і залучыў мноства паслядоўнікаў у Якуціі, Бураціі ды іншых абласцях. Але ўночы 19 верасня на мяжы Бураціі і Іркуцкай вобласці яго затрымалі супрацоўнікі праваахоўных органаў у масках са зброяй. Яго адправілі назад у Якуцію і 20 верасня змясцілі ў рэспубліканскі псіханеўралагічны дыспансер, а пазней па выніках комплекснай псіхолага-псіхіятрычнай экспэртызы прызналі вар’ятам.

Пазней у дачыненні да Габышава распачалі крымінальную справу аб публічных закліках да экстрэмісцкай дзейнасці (ч. 1 арт. 280 КК РФ). Згодна з матэрыяламі яго справы, "Габышаў з 6 сакавіка да 22 траўня, знаходзячыся ў неўсталяваным месцы, звярнуўся асабіста да групы людзей з заклікамі да ажыццяўлення экстрэмісцкай дзейнасці", а ў яго словах "ёсць публічны заклік да гвалтоўных дзеянняў". У верасні Габышава паводле гэтай справы выпусцілі пад падпіску аб нявыездзе.

Раніцай 10 снежня Сибирь.Реалии паведамілі, што паліцэйскія шукалі Габышава ў Якуцку і спрабавалі ўручыць яму позву "для правядзення следчых дзеянняў". Са словах таго ж Пранішнікава, паліцэйскія прыйшлі дадому да сястры Габышава, а потым да Яўгена Растокіна (вядомага як Воран), чальцу атрада шамана.