21 лютага 2020, Пятніца, 2:11
Засталося зусім крыху
Рубрыкі

Арганізатар канцэрта Іглесіяса ў Менску ўцёк разам з грашыма за квіткі

45
Арганізатар канцэрта Іглесіяса ў Менску ўцёк разам з грашыма за квіткі

Грошы тым, хто купіў квіткі, так і не вярнулі.

3 снежня ў Менску павінен быў адбыцца канцэрт Энрыке Іглесіяса, квіткі на які каштавалі ў сярэднім 250 рублёў. У сярэдзіне лістапада канцэрт быў скасаваны, але грошы тым, хто купіў квіткі праз kvitki.by, так і не вярнулі, паведамляе The Village Беларусь.

На сайце kvitki.by напісана, што патрабаванне вярнуць грошы за квіткі «павінна быць заяўлена арганізатару названага мерапрыемства... «АРТ БГ-Евентс».

Але з інфармацыі выдання Pollstar, балгарскі прамоўтар, які сцвярджаў, што прадстаўляе ArtBG, падмануў пакупнікоў білетаў, аператараў пляцовак і артыстаў і цяпер хаваецца.

Гэта высветлілася пасля таго, як латвійскае білетных агенцтва Bilesu Serviss паведаміла пакупнікам білетаў на сваім сайце, што «мерапрыемства Enrique Iglesias All The Hits Live, якое было запланавана на 5 снежня ў Arena Riga, скасаванае». Латвійскі прадавец сцвярджае, што пра гэта яму і ўсім прадаўцам квіткоў на шоў Энрыке Іглесіяса ў Заграбе (Харватыя), Рызе (Латвія) і Менску (Беларусь) прыйшло адпаведнае паведамленне ад CAA (Creative Artists Agency).

Далейшае расследаванне Pollstar паказала, што ArtBG таксама выступаў у якасці мясцовага прамоўтара для іншых артыстаў, а таксама абвясціў аб правядзенні канцэрту Браяна Адамса, Хасэ Карэраса і Малумы ў Грэцыі.

Крыніца з Афін пацвердзіла, што ArtBG, з якім працавалі беларускія і літоўскія прадаўцы квіткоў - фэйкавы прамоўтар, які, відаць, працуе з партнёрам, «узяў усе грошы на квіткі і сышоў», не заплаціўшы ні артыстам, ні пляцоўкам.

Латвійскае агенцтва Bilesu Serviss заявіла, што яно звярнуўся ў мясцовую паліцыю ў Рызе з просьбай даць прававую ацэнку гэтай сітуацыі і магчымага махлярства з боку ArtBG. «Да таго часу, пакуль не будзе атрыманы адказ ад Дзяржаўнай паліцыі, вяртанне грошай за набытыя квіткі не будзе зробленае», - кажа ён.

Прамоўтар ArtBG цяпер хаваецца, і, паводле ацэнак інсайдэраў, даход ад папярэдняга продажу квіткоў складае 1 мільён еўраў.

Запыты Pollstar аб каментарах, адпраўленыя агентам Энрыке Іглесіяса і Браяна Адамса, былі сустрэтыя маўчаннем, як і запыт, адпраўлены ў ArtBG.