У інтэрнаце пад Пецярбургам знайшлі мёртвага беларуса
- 12.12.2019, 10:16
- 9,854
Мужчына працаваў слесарам у адной з мясцовых кампаній.
Цела 50-гадовага беларуса было знойдзенае ў інтэрнаце ў Ціхвінскім раёне (Ленінградская вобласць).
Як паведамляе «Мойка78», у паліцыю патэлефанаваў мужчына і паведаміў пра знаходку. Паводле звестак паліцыі, пасінелае цела грамадзяніна Беларусі знаходзілася ў прыбіральні.
Праваахоўнікі адзначылі, што слядоў валачэння цела, а таксама прыкметаў барацьбы (як і прыкметаў гвалтоўнай смерці на трупе) на месцы здарэння выяўлена не было.
Вядома, што беларус працаваў слесарам у адной з мясцовых кампаній.