Арсень Чыгір: Куды пайшлі грошы, сабраныя людзьмі на рамонт лякарні?
5- 13.12.2019, 9:52
- 11,839
Бабруйскія ўлады спрабуюць зарабіць на здароўі дзяцей.
Грошы на рамонт дзіцячай лякарні збіралі ў звычайных грамадзянаў, але куды яны пайшлі – незразумела.
Пра гэта Charter97.org апавёў актывіст грамадзянскай кампаніі «Еўрапейская Беларусь» з Бабруйска Арсень Чыгір, які ўжо шмат гадоў займаецца сацыяльнымі праблемамі горада.
– Улады не так даўно рапартавалі, што адрамантаваную і абноўленую дзіцячую лякарню здадуць ужо да 2020 года, – кажа ён. – Але я літаральна нядаўна там праходзіў і бачыў, што праца ўсё яшчэ ідзе, стаяць краны. Рамонт не тое што не будзе скончаны ў тэрмiн, не выкананая большая частка працаў. Калі будынак павінен быць гатовы да 2020 года, то, як мінімум, яны ўжо павінны былі скончыць з фасадам. Зразумела, што ім трэба даць справаздачу да «прэзідэнцкіх выбараў». Нагоняць прэсы, будуць апавядаць пра тое «як дзяржава клапоціцца аб дзецях» і ўсё ў гэтым духу, як яны любяць. Гэта будзе падставай зарабіць палітычныя балы. Але выйдзе чарговая «халтура».
Я разам з іншымі актывістамі даўно займаюся гэтым пытаннем. Мы размаўлялі з экспертамі, якія сказалі, што касметычны рамонт – далёка не самае галоўнае, што трэба дзіцячай лякарні. Самая галоўная праблема – гэта спрэс састарэлае абсталяванне. Яго трэба мяняць, і гэта каштуе немалых грошай. Улады любяць лішні раз нагадаць, як вылучылі сродкі на рамонт і рэканструкцыю з гарадскога і абласнога бюджэту. Але чаму ў такім выпадку грошы на рамонт лякарні просяць у звычайных грамадзянаў? Куды яны ідуць? Многія скідацца, але ўжо ні ў кога няма ўпэўненасці, што гэтыя сродкі, сапраўды, ідуць на патрэбы лякарні.
Таксама сачыце за акаўнтамі Charter97.org у сацыяльных сетках
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
