У планы барацьбы Еўразвязу з кліматычнымі зменамі ўключаны мэсэдж аб БелАЭС

Гэта адбылося дзякуючы Літве.

Літва дамаглася таго, каб у абавязанні аб кліматычных зменах Еўразвязу было ўключанае ўскоснае пасланне Беларусі аб стандартах бяспекі на атамнай электрастанцыі (БелАЭС), якая будуецца ў Астраўцы, паведамляе Delfi.

У зацверджаных у пятніцу ўночы ў Брусэлі высновах саміту ЕЗ, якія мае агенцтва BNS, гаворыцца, што "абсталяванне трэціх краін павінна адпавядаць вышэйшым міжнародным стандартам бяспекі і абароны навакольнага асяроддзя". Гэта прапанова ўнесеная разам з абавязкам перайсці ў Еўропе да 2050 года да мадэлі эканомікі, якая будзе з нейтральным уплывам на клімат.

Са слоў прэзідэнта Гітанаса Наўседы, лідары ЕЗ сур'ёзна ставяцца да заклапочанасці Літвы з нагоды небяспечных праектаў, якія развіваюцца па суседстве з ЕЗ.

"Я мяркую, што (зацверджаная прапанова) пасылае такі (мэсэдж), (...) што тыя краіны, якія знаходзяцца побач з Еўразвязам, не могуць выкарыстоўваць непрагрэсіўныя тэхналогіі, альбо нават болей нячыстыя тэхналогіі, і магчыма выкарыстоўваючы фактар выдаткаў ствараць несумленную і несправядлівую канкурэнцыю ЕЗ", - сказаў журналістам прэзідэнт Г. Наўседа.

Прэзідэнт Літвы заявіў лідарам краін ЕЗ, што планы супольнасці абавязаць аўтаперавозчыкаў вяртаць грузавікі ў свае краіны як мінімум кожныя восем тыдняў не адпавядае з мэтамі барацьбы з кліматычнымі зменамі. "Патрабаванне вяртаць грузавікі яшчэ больш загрузіць дарогі, падвысіць выкіды ў атмасферу і створыць ўсякія іншыя нядобрыя рэчы", - сказаў Г.Наўседа.

"Гэтую асцярогу выказалі мы, і тады некаторыя іншыя дзяржавы-чальцы, іх прадстаўнікі, прэм'еры і прэзідэнты сказалі гэта ж", - дадаў ён. Еўрапарламент (ЕП) і Фінляндыя, якая цяпер старшынюе ў ЕЗ, дамовіліся ў чацвер абавязаць так званым Пакетам мабільнасці перавозчыкаў скласці такія графікі, каб фуры вярталіся як мінімум кожныя восем тыдняў.

Гэта пагадненне яшчэ павінны зацвердзіць дзяржавы-чальцы. Установы ЕЗ таксама збіраюцца зрабіць больш жорсткім правілы кабатажных аперацый, калі паслугі перавозкі грузаў выконвае перавозчык, які знаходзіцца ў іншай дзяржаве-чальцы - як і раней, плануюць дазволіць тры аперацыі цягам сямі дзён, але ўводзіцца абавязковы чатырохдзённы перыяд для перапынку (cooling off), паказвае атрыманы BNS тэкст пагаднення.