У Барысаве зарэгістраваных беспрацоўных адпраўляюць на грамадскія працы

Грамадскім працамі яны абавязаны аддаць тры дні на месяц.

На Нацыянальным прававым партале pravo.by апублікаваная пастанова Барысаўскага раённага выканаўчага камітэта ад 3 снежня №2044 «Аб арганізацыі аплачаных грамадскіх работ у 2020 годзе».

У адпаведнасці з гэтым дакументам, устаноўленая мінімальная колькасць рабочых дзён для ўдзелу беспрацоўных у аплачаных грамадскіх работах у кожным месяцы 2020 года. Гэта колькасць роўна тром працоўным дням, піша ex-press.by.

Пералік работ невялікі і ўключае ў сябе ўсяго пяць тыпаў:

- Сельскагаспадарчыя работы.

- Экалагічнае аздараўленне тэрыторый (добраўпарадкаванне і азеляненне тэрыторый, захаванне і развіццё лесапаркавай гаспадаркі, зон адпачынку і турызму).

- Дапаможныя работы ў арганізацыях аграпрамысловага комплексу і гандлю.

- Догляд месцаў пахавання.

- Збор і перапрацоўка другаснай сыравіны і адкідаў.

Неабходнасць удзелу ў такіх працах і мізэрная велічыня месячнай дапамогі (не больш за 51 рубель на сённяшні дзень) нярэдка спыняе кваліфікаваных спецыялістаў, якія шукаюць вакансію, станавіцца на ўлік у службе занятасці. А гэта дапамагае афіцыйным структурам ствараць дабратворную карціну адсутнасці беспрацоўя.

Напрыклад, узровень афіцыйна зарэгістраванага беспрацоўя ў Барысаўскім раёне на пачатак мінулага месяца складаў усяго 0,4% ад агульнай колькасці працаздольнага насельніцтва ці 313 чалавек.

У той жа час абследаванні хатніх гаспадарак, якія перыядычна праводзяцца Нацыянальным статыстычным камітэтам, дэманструюць карціну, больш набліжаную да рэальнасці. У III квартале 2019 года ўзровень беспрацоўя, разлічаны ў адпаведнасці з метадалогіяй Міжнароднай арганізацыі працы, склаў 3,9%.

У той жа час некаторыя экспэрты-эканамісты і сацыёлагі мяркуюць, што ўзровень фактычнага беспрацоўя ў Беларусі можа складаць ад 6% да 10% ад эканамічна актыўнага насельніцтва.