ЗША могуць выдаць $ 1 млрд на энэргетычную бяспеку Еўропы
4- 14.12.2019, 18:01
- 9,650
Гэта дазволіць дыверсіфікаваць плыні газу і зменшыць залежнасць ад расейскіх энэргарэсурсаў.
Кангрэс ЗША можа прыняць законапраект, які прадугледжвае выдачу 1 млрд даляраў на энэргабяспеку краін Цэнтральнай і Усходняй Еўропы, у тым ліку Украіны.
Пра гэта гаворыцца на Урадавым партале, піша nv.ua.
Паведамляецца, што падчас візіту ў ЗША на сустрэчах з чальцамі Кангрэсу віцэ-прэм'ер у пытаннях еўраінтэграцыі Дзмітрый Кулеба выступіў за прыняцце ўжо занесенага праекта закона ЗША аб энэргетычнай бяспецы Еўропы, які неўзабаве будзе разглядацца. Ён выдасць блізу 1 мільярда даляраў ЗША амерыканскім кампаніям для пабудовы энэргетычнай інфраструктуры ў Цэнтральнай і Усходняй Еўропе, у тым ліку і ва Украіне.
Гэта дазволіць дыверсіфікаваць плыні прыроднага газу і зменшыць залежнасць ад расейскіх энергарэсурсаў. Дзмітрый Кулеба адзначыў стратэгічную важнасць дыверсіфікацыі энэргетыкі ў Еўропе.
«Гаворка ідзе не толькі пра Украіну, а пра стратэгічны баланс ва ўсім рэгіёне, пра ўплыў Расеі ў Цэнтральнай Еўропе і на Заходніх Балканах», - адзначыў Кулеба.