Амерыканка праверыла рахунак пасля працы і аказалася мільянеркай

Ёй пералічылі $37 мільёнаў.

Жыхарка амерыканскага горада Далас, штат Тэхас, Рут Балун (Ruth Balloon) праз памылку банка на дзень атрымала дадатковыя 37 мільёнаў даляраў. Пра гэта паведамляе мясцовы тэлеканал CBS 11, піша lenta.ru.

Інцыдэнт адбыўся 10 снежня. Жанчына скончыла працу ў абутковай краме Roma Boots і наважыла праверыць свой рахунак у банку LegacyTexas. «Я спадзявалася, што хтосьці сапраўды падарыў мне гэтыя 37 мільёнаў», - адзначыла Балун.

Жанчына-мільянерка распавяла, што нават паспела падумаць, як распарадзіцца такімі грашыма: частку сродкаў яна б накіравала на дабрачыннасць, а тыя, што засталіся - уклала ў нерухомасць. Праз некаторы час яна паведаміла мужу пра дадатковыя мільёны. Мужчына патэлефанаваў у банк, дзе яму сказалі, што адбылася памылка. У LegacyTexas папрасілі прабачэння і скасавалі пералічэнне, зняўшы грошы з рахунку.

«Я была мільянеркай. У мяне ёсць скрыншот, так што цяпер я магу так казаць», - заўважыла жартам амерыканка. Яна таксама падкрэсліла, што спадзяецца атрымаць заахвочванне ад банка за сумленнасць. Балун разумее, што такія грошы нельга было пакідаць сабе, але ўпэўненая, што аднаго «дзякуй» ад банка за такое хуткае апавяшчэнне будзе мала.

У LegacyTexas паведамілі тэлеканалу, што памылка адбылася пры пералічэнні сродкаў у замежнай валюце супрацоўнікам уручную і блытаніна прывяла да пералічэння вялікай сумы.