Агонь па «базах»
1- 15.12.2019, 14:50
- 12,706
Што зменіцца ў Беларусі пасля павышэння базавай стаўкі і базавай велічыні.
З 1-га студзеня 2020 года ўлады павышаюць базавую велічыню і базавую стаўку, піша «Бабруйскі кур'ер».
Базавая велічыня павялічваецца да 27 рублёў. Пра гэта гаворыцца ў пастанове Савета міністраў ад 13 снежня № 861.
Павелічэнне базавай велічыні адбудзецца, дакладней – здарыцца 1 студзеня 2020 года.
Як вядома, з ростам базавай велічыні растуць і сумы штрафаў, «прывязаныя» да яе. Зрэшты, пры гэтым павышаецца і памер некаторых выплатаў – дапамогі, стыпендыі.
Мінулы раз базавая стаўка павышалася з 1 студзеня 2019 годзе – на рубель. Цягам 2019 г. яна складала 25,5 рубля. Цяпер жа яна павысіцца адразу на паўтара рубля.
Між тым з 1 студзеня 2020 года таксама вырасце базавая стаўка. Яе памер складзе 185 рублёў. Базавая стаўка «закладзеная» ў аплаце працы супрацоўнікаў бюджэтных арганізацый і прыраўнаваных да іх.
Асаблівасць у тым, што з 1 студзеня 2020 года скасоўваецца тарыфная стаўка першага разраду, і замест яе будзе выкарыстоўвацца менавіта базавая стаўка.