28 сакавiка 2024, Чацвер, 15:56
Падтрымайце
сайт
Сім сім,
Хартыя 97!
Рубрыкі

Пуцін падпісаў «закон супраць Apple»

15
Пуцін падпісаў «закон супраць Apple»

Закон павялічвае штрафы для мэсэнджараў за адмову перадаваць ФСБ ключы шыфравання.

Прэзідэнт РФ Пуцін падпісаў закон, які павялічыць з 1 да 6 мільёнаў расейскіх рублёў максімальныя штрафы для інтэрнэт-кампаній за паўторную адмову перадаць ФСБ ключы шыфравання перапіскі карыстальнікаў. Адпаведны закон апублікаваны на партале прававой інфармацыі, піша «Новая газета».

Гаворка ідзе пра мэсэнджары і іншыя інтэрнэт-сэрвісы, дзе магчымая перапіска карыстальнікаў, і якія Раскамнагляд унёс у рэестр распаўсюджвальнікаў інфармацыі. За адмову ад такога супрацоўніцтва з сілавікамі яны цяпер могуць страціць ад двух да шасці мільёнаў рублёў.

Законапраект таксама павялічвае штрафы за адмову захоўваць звесткі расейскіх карыстальнікаў на тэрыторыі краіны. У першы раз з іх цяпер возьмуць да шасці мільёнаў, а вось за паўторнае парушэнне ім пагражае больш значная сума - да 18 мільёнаў рублёў. Раней максімальная сума штрафу складала 5 тысяч рублёў, сацсетка Twitter і Facebook раней былі аштрафаваныя паводле гэтага артыкулу на 3 тысяч рублёў.

Напісаць каментар 15

Таксама сачыце за акаўнтамі Charter97.org у сацыяльных сетках