Boeing упершыню запусціла пілатуемы карабель да МКС
17- 20.12.2019, 16:22
- 16,442
Ён павінен замяніць «Союзы».
Карпарацыя United Launch Alliance правяла паспяховы запуск ракеты-носьбіта «Атлас-5» з касмадрома на мысе Канаверал у ЗША. Ракета ўпершыню вывела ў космас касмічны карабель Boeing CST-100 «Старлайнер», паведамляе "Радио Свобода". У пятніцу ён павінен прыстыкавацца да Міжнароднай касмічнай станцыі (МКС). Відэа пуску выкладзенае ў твітэр амерыканскага касмічнага агенцтва NASA
LIFTOFF! 🚀 @BoeingSpace's #Starliner spacecraft launched at 6:36am ET and is on its way to the @Space_Station. This @Commercial_Crew demonstration flight marks a milestone in a new era of U.S. human spaceflight systems. Watch: https://t.co/CVvXzb8pww pic.twitter.com/8V6Rt8FwQl
— NASA (@NASA) 20 декабря 2019 г.
«Старлайнер», разам з «Кру Дрэган» SpaceX - адзін з двух пілатуемых касмічных караблёў, якія распрацоўваюцца прыватнымі кампаніямі для адпраўкі астранаўтаў да МКС. У гэтай ролі яны павінны замяніць для NASA закрытую праграму «Спэйс шатл» і распрацаваныя ў 60-я гады XX стагоддзя расейскія караблі «Саюз».
У тэставым палёце экіпажа на борце няма. На МКС «Старлайнер» вязе 270 кілаграмаў грузу, у тым ліку калядныя падарункі для экіпажа МКС, абсталяванне для тэстаў на радыяцыю і манекен Розі, нагадвае Space.com. У будучыні карабель зможа перавозіць на арбіту да сямі сябраў экіпажа.
