Рэцэпт ідэальнага глінтвейну: карысныя парады
6- 3.12.2019, 17:44
- 21,175
Для гэтага напою не патрэбнае дарагое віно.
Глінтвейн - адзін з самых папулярных зімовых напояў. Cайт «Сегодня» падабраў некалькі карысных парадаў, якія дапамогуць вам навучыцца гатаваць смачны глінтвейн у хатніх умовах.
Як выбраць віно для глінтвейну
Глінтвейн можна гатаваць як з чырвонага віна, так і з белага. Трэба толькі запомніць, што пры награванні белае віно яшчэ больш кіслае.
Пры гэтым няма адназначнага адказу, якое віно выбраць: сухое, паўсухое, салодкае, чырвонае ці белае. Большасць знатакоў гэтага напою сцвярджаюць, што трэба выкарыстоўваць менавіта сухія віны. Справа ў тым, што глінтвейн - напой даволі салодкі, за кошт дадавання цукру або мёду. А напаўсалодкае віно дасць прыкры кіслы смак.
Так што ідэальнымі вінамі для гатавання гэтага напою з'яўляюцца сухія нямоцныя віны. Паўсухія віны таксама падыдуць - але трэба сачыць, каб глінтвейн не атрымаўся занадта салодкім.
Дарагое віно браць не варта - дастаткова звычайнага сталовага. Вядома ж, сумнеўныя маркі выбіраць усё адно не трэба, інакш ніякія спецыі і садавіна смак не выратуюць.
Як рэгуляваць мацунак глінтвейну
Калі вы хочаце прыгатаваць лёгкі глінтвейн - замяніце чвэрць віна вадой ці вінаградным, яблычным, апельсінавы, вішнёвым сокам. А каб зрабіць напой мацнейшым - дадайце на адну шклянку напою па 30 мл рому, каньяку, бурбона або іншага моцнага алкаголю. Дастаткова нават 20 мл, каб адчуць розніцу ў смаку.
Якія спецыі можна дадаць у глінтвейн
Цынамон і гваздзік - класічныя вострыя прыправы для глінтвейну.
Аніс і бадзян нададуць напою ўсходнюю нотку і пяшчотны лакрычны водар.
Імбір валодае сагравальным дзеяннем, таму ў зімовы час ён абсалютна дарэчны.
Перац (чорны, духмяны, ямайскі) надасць вашаму глінтвейну вастрыню, але не варта перабіраць з колькасцю.
Лаўровы ліст кладуць незадоўга да канца прыгатавання напою, інакш глінтвейн будзе падобны на суп.
Кардамон мае цытрынава-эўкаліптавы прысмак.
Класічны глінтвейн зайграе па-новаму, калі дадаць у яго трохі каляндры.
Трохі шафрану на кончыку нажа ўпрыгожаць не толькі смак глінтвейну, але і палепшаць яго колер.
Дробка мушкатовага арэха падкрэсліць водар іншых спецый.
Якую садавіну дабавіць у глінтвейн
Гэта залежыць ад таго, белы вы гатуеце глінтвейн або чырвоны і як вы збіраецеся іх спалучаць. У абодвух выпадках падыходзяць яблыкі, грушы, цытрусавыя. У чырвонае віно можна дадаць вішні або журавіны, а ў белае - ананас ці кішміш.
Садавіну можна папярэдне змяшаць з мёдам, каб яны настаяліся і раскрылі свой смак. Таксама ў мёд можна адразу дадаць спецыі і моцны алкаголь.
Як зрабіць смачны глінтвейн
Глінтвейн не павінен кіпець;
Віно трэба награваць датуль, пакуль не знікне белая пенка
Падаваць апальваючы глінтвейн нельга, яго тэмпература павінна быць 70 град С.
Да стала глінтвейн падаюць альбо ў посудзе, які доўга захоўвае цяпло, альбо ў высокім таўстасценным куфлі з ручкай;
Глінтвейн нельга падаграваць паўторна, гэта сапсуе яго смак.