Навукоўцы: Сабакі разумеюць чалавечую мову лепш, чым мы думалі

Сабакі могуць адрозніць нават рэгіянальныя акцэнты.

Сабакі разумеюць чалавечую мову лепш, чым мы думалі, заявілі навукоўцы з універсітэта Сэсекса. Вынікі даследавання, праведзенага з удзелам 42-х сабак і апублікаванага ў часопісе Biology Letters, таксама паказалі, што сабакі могуць адрозніць рэгіянальныя акцэнты: ад бездакорнага ангельскага брытанскай каралевы да «амерыканскага» ангельскага, паведамляе rg.ru.

Даследчыкі прайгралі запісы прамовы чатырох розных людзей (як мужчын, так і жанчын), якія казалі хатнім жывёлам адно і тое ж слова. Затым яны дадалі слова, якое гучала крыху па-іншаму, напрыклад, «меў» і «схаваў», якія маюць падобнае гучанне па-ангельску. Сабакі рэзка рэагавалі, калі падобнае слова «hid» змянялася на «had». Яны рэзка паварочвалі галаву і даўжэй глядзелі на чалавека, павярнуўшы да яго галаву або падняўшы вушы ў сярэднім на тры секунды, паказваючы: яны ведаюць, што новае слова адрозніваецца ад папярэдняга. Паводле высноў навукоўцаў, разуменне сабакамі чалавечай мовы выходзіць далёка за рамкі простых каманд «сядзець», «ляжаць» і «ўзяць».

На думку доктара Холі Рут-Гатэрыджа, аўтара даследавання з універсітэта Сэсекса, людзям здаецца, што сабакі чуюць ад сваіх гаспадароў, нейкае «бла, бла, бла». «Аднак вынікі нашага даследавання паказваюць, што ў іх больш прасунутыя моўныя навыкі, чым мы думаем, і я сапраўды ведаю сабак, якія могуць адказваць, напрыклад, на 75 розных каманд. Сабакі, магчыма, спачатку атрымалі здольнасць адрозніваць брэх іншых сабак, каб яны маглі вызначыць сваё становішча сярод іншых асобін, а затым яны пачалі звяртаць увагу на нашу мову пасля таго, як мы прыручылі іх», - заявіў навуковец.

Як паведамляе The Daily Mail, безумоўным унікум сярод сабак у гэтых адносінах быў амерыканскі сабака пароды бордэр-колі па мянушцы Чэйзер. Дарэчы, гэтая парода, выведзеная на мяжы Шатландыі і Англіі, уважаецца самай разумнай сярод сабак у свеце.

Чэйзер, які пражываў з гаспадаром у Паўночнай Караліне і памерлы ў пачатку гэтага года, мог адрозніваць больш за 1000 цацак і знайсці іх па імені, калі яму прамаўлялі яго.